Azərbaycan FHN-nin Aviasiya Dəstəsinin rəisi İsrail prezidenti tərəfindən təltif edilib – FOTO
08 dekabr 2010 14:35 (UTC +04:00)

Azərbaycan FHN-nin Aviasiya Dəstəsinin rəisi İsrail prezidenti tərəfindən təltif edilib – FOTO

APA-nın İsrail Xarici İşlər Nazirliyinin saytına istinadən verdiyi məlumata görə, görüşə 10 ölkədən 300 xilasedici, həmçinin İsrailin baş naziri Benyamin Netanyahu və diplomatlar da qatılıb.

Görüş zamanı yanğının söndürülməsində iştirak etmiş xarici xilasedicilərə mükafatlar təqdim edilib. Onların arasında Azərbaycan, Bolqarıstan, Xorvatiya, Kipr, Misir, Fransa, Almaniya, Yunanıstan, Hollandiya, İtaliya, İspaniya, İsveçrə, Böyük Britaniya, ABŞ, Rusiya, İordaniya, Türkiyə və Fələstindən müvafiq qurumların əməkdaşları olub. Azərbaycan Fövqəladə Hallar Nazirliyinin Aviasiya Dəstəsinin rəisi, polkovnik Əşrəf Qasımov sertifikat və fəxri fərmanla təltif edilib.

Qeyd edək ki, İsraildə yanğınların söndürülməsində Azərbaycan FHN-in 16 nəfərdən ibarət şəxsi heyəti və “Mi-17-1B”, “Ka-32A” markalı helikopterləri iştirak edib.
# 1243

Oxşar yazılar