Ermənilərin “Qarabağa dönüş planı”

Ermənistan Dağlıq Qarabağdakı ermənilərin sayını 300 min nəfərə çatdırmaq üçün xüsusi plan hazırlayıb. APA-nın Türkiyənin «Zaman» qəzetinə istinadən verdiyi məlumata görə, bu barədə Əsassız Soyqırımı İddiaları ilə Mübarizə Cəmiyyətinin (Asılsız Soykırım İddialarıyla Mücadele Derneği (ASİMED)) rəhbəri Savaş Əyilməz bildirib.

S.Əyilməz Ermənistanın «Qarabağa dönüş planı» hazırladığını və bu istiqamətdə işləri sürətləndirdiyini vurğulayıb. Bu planla Qarabağdakı azərbaycanlı əhalinin yox edilməsinə çalışıldığını qeyd edən təşkilat rəhbərinin sözlərinə görə, Qarabağa dönüş (Return to Artsakh) adlanan plan uzun illər əvvəl hazırlanıb: “Erməni əhali artırılırkən bölgədə həm mədəni, həm də demoqrafik baxımdan türkləri sürətlə azaltmağa çalışırlar. Bölgədə 20 mindən artıq azərbaycanlı öldürülüb, 50 mindən artıq azərbaycanlı yurd-yuvasından didərgin salınıb, 4 mindən artıq insan əsir və ya girov alınıb. Bununla bərabər azərbaycanlılara məxsus qədim abidələr, məzarlıqlar və məscidlər məhv edilib»”

Təşkilat rəhbəri Qarabağın ASALA və PKK terror təşkilatlarının iştirakı ilə narkotik ticarəti üçün ən önəmli bazaya çevrildiyini də qeyd edib.