Azərbaycana “S-300” komplekslərini satılacağı barədə daha bir xəbər

Azərbaycanlı kursantlar Tverdəki Hərbi-Kosmik Akademiyada “S-300” zenit-raket komplekslərini öyrənməklə bağlı kurs keçirlər

Rusiya Müdafiə Nazirliyindəki mənbə “Nezavisimoy qazeta”yə Azərbaycana iki “S-300” dviziya zenit-raket kompleksi satılacağını təsdiqləyib.

Lent.az-ın “Nezavisimaya qazeta”yə istinadən verdiyi məlumata görə, müvafiq qurumlar arasında imzalanacaq müqavilənin dəyəri 300 milyon dollardır.

Rusiya Müdafiə Nazirliyindən bildirilib ki, artıq neçə ildir ki, azərbaycanlı kursantlar Tverdəki Hərbi-Kosmik Akademiyada “S-300” zenit-raket komplekslərini öyrənməklə bağlı kurs keçirlər. Rusiya Müdafiə Nazirlyində onu da qeyd ediblər ki, “Rosoboroneksport” kütləvi informasiya vasitələrində Azərbaycana “S-300” zenit-raket komplekslərinin satılacağı barədə xəbər yayılarkən bunu təkzib etməklə düzgün davranıb: “Çünki bu barədə razılaşma olsa da, yekun qərarı hökumətlər qəbul edəcəklər”.

Qeyd edək ki, Rusiyanın Azərbaycandakı səfiri Vladimir Doroxin də Azərbaycana bu silahların satıla biləcəyini təkzib etməyib. “Nezavisimaya qazeta”nın yazığına görə, Müdafiə Nazirliyi Rusiya Prezident Administrasiyasının rəhbəri Sergey Narışkinin Azərbaycana səfəri zamanı da “S-300” zenit-raket komplekslərinin satışı məsələsinin müzakirə olunacağını istisna saymayıb.