Dəmiryolçular Heydər Əliyevi yad etdi

Bu gün “Azərbaycan Dəmir Yolları” Qapalı Səhmdar Cəmiyyətində mərhum eks-prezident Heydər Əliyevin anadan olmasının 87 illiyi ilə əlaqədar təntənəli yığıncaq keçirilib. Yığıncaqda Heydər Əliyevin həyatı, ictimai-siyasi fəaliyyəti barədə geniş məruzələr dinlənib.

“Azərbaycan Dəmir Yolları”nın mətbuat xidmətinin rəisi Nadir Əzməmmədov Lent.az-a bildirib ki, tədbirdə mərhum eks-prezidentin xatirəsi bir dəqiqəlik sükutla yad olunub. Sonra “Azərbaycan Dəmir Yolları” QSC-nin sədr Qurban Nəzirov onun siyasi hakimiyyətdə olduğu dövrlərdəki fəaliyyətindən, ölkənin inkişafı istiqamətində atdığı addımlardan danışıb. Qurban Nəzirov Azərbaycan Dəmir Yolunun inkişafının ən sürətli və parlaq dövrünün Heydər Əliyevin Azərbaycana rəhbərlik etdiyi 1969-2003-cü illərə təsadüf etdiyini söyləyib.

Tədbirdə çıxış edən digər dəmiryolçular da Heydər Əliyevlə bağlı fikir və mülahizələrini iştirakçıların diqqətinə çatdırıb.