ABŞ-dan Azərbaycana yüksək rütbəli missiya gələcək
06 aprel 2010 17:00 (UTC +04:00)

ABŞ-dan Azərbaycana yüksək rütbəli missiya gələcək

ABŞ-ın Avropa Komandanlığının yüksək rütbəli zabitlərindən ibarət missiyanın aprelin ortalarında Azərbaycana gələcəyi gözlənilir. Lent.az-ın əldə etdiyi məlumata görə, ABŞ hərbçilərindən ibarət nümayəndə heyəti Azərbaycanda və Gürcüstanda olaraq bu ölkələrlə hərbi sahədə əməkdaşlığın inkişafı məsələlərini müzakirə edəcəklər.

Missiyada kimlərin təmsil olunacağı hələ ki açıqlanmasa da, səfər çərçivəsində Azərbaycan və ABŞ arasında növbəti iki ili əhatə edəcək əməkdaşlıq üzrə İş Planının layihəsinin son variantının müzakirə olunacağı bildirilir. ABŞ heyətinin səfəri çərçivəsində Bakıda Azərbaycanın hərbi qurumlarının nümayəndələrinin də iştirakı ilə əməkdaşlığın perspektivlərinə dair konfransın keçirilməsi planlaşdırılır.
1 2 3 4 5 İDMAN XƏBƏRLƏRİ
# 464

Oxşar yazılar