Milli Məclisin üç komitə sədri Sankt-Peterburqa getdi
05 aprel 2010 17:45 (UTC +04:00)

Milli Məclisin üç komitə sədri Sankt-Peterburqa getdi

Milli Məclisin (MM) komitə sədrləri Arif Rəhimzadə, Rəbiyyət Aslanova, Əli Hüseynov, deputatlardan Fəzail Ağamalı, Adil Əliyev, Məjlum Şükürov aprelin 5-dən 9-dək Sankt-Peterburqda səfərdə olacaqlar. Bu barədə Lent.az-a MM-in mətbuat xidmətindən bildirilib.

Sankt-Peterburqda Parlamentlərarası Assambleya Şurasının iclası, Assambleyanın 34-ü plenar sessiyası, qurumun Siyasi məsələlər və beynəlxalq əlaqələr, Təhlükəsizlik və müdafiə məsələləri, İnsan hüquqları və sosial siyasət, Elm və təhsil daimi komissiyalarının iclasları keçiriləcək. Tədbirlərdə Böyük Vətən müharibəsi iştirakçılarının sosial müdafiəsi, yerli özünüidarə orqanlarının ümumi prinsipləri, “Əqli mülkiyyətin qorunması haqqında”, “Elmi kəşflərlə bağlı hüquqların qorunması haqqında” model qanun layihələri və digər məsələlər müzakirə olunacaq.

Səfər müddətində Böyük Vətən Müharibəsinin 65-ci ildönümünə və MDB Parlament Assambleyası ilə AŞPA–nın birgə təşkil etdiyi “Avropanın gələcək təhlükəsizliyi” mövzusuna həsr olunmuş iki beynəlxalq konfransın keçirilməsi nəzərdə tutulub.
# 376

Oxşar yazılar