Polşanın baş naziri İçərişəhərdə gəzintiyə çıxıb

Donald Tuskun üçün Filarmoniya bağında çay süfrəsi təşkil olunub

Martın 10-da Bakıda səfərdə olan Polşanın baş naziri Donald Tuskun “İçərişəhər” Dövlət Tarix-Memarlıq Qoruğu ilə tanışlıq məqsədi ilə qoruq ərazisində gəzintisi keçirib.

Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsindən Lent.az-a verilən məlumata görə, gəzinti zamanı Polşanın baş nazirinə konservasiya üzrə Master Plan əsasında burada aparılan təmir, abadlaşdırma və restavrasiya işləri barədə geniş informasiya verilib.

Gəzinti Qız Qalası ilə tanışlıqdan başlayıb, “Buxara” və “Multanı” karvansaraları, Qoşa Qala Qapıları, Kiçik Qala küçəsi ilə davam edib. Orta əsr şərq memarlığının şah əsəri, dünya əhəmiyyətli tarix-memarlıq abidəsi olan “Şirvanşahlar Sarayı Kompleksi” barədə Donald Tuskunə ətraflı məlumat verilib.

Gəzintinin sonunda Filarmoniya bağında qonağın şərəfinə çay süfrəsi təşkil olunub. Sonda Polşanın baş naziri İçəri Şəhərin Fəxri Qonaqlar Kitabında öz ürək sözlərini yazıb.