Nəticəsi ləğv olunmuş bələdiyyələr üzrə seçki məntəqələri formalaşdırılır

Mərkəzi Seçki Komissiyası (MSK) nəticəsi ləğv olunmuş bələdiyyələr üzrə seçki məntəqələrinin formalaşdırılması ilə bağlı müvafiq dairə seçki komissiyalarına (DSK) göstəriş verib. Lent.az-ın xəbərinə görə, bu barədə jurnalistlərə açıqlamasında MSK sədri Məzahir Pənahov məlumat verib. Onun sözlərinə görə, bu iş yaxın günlərdə yekunlaşacaq.

Buraxılmış iki DSK-nı isə MSK özü formalaşdıracaq: “Bununla bağlı bizdə iş gedir, yaxın vaxtlarda həll olunacaq”.

Xatırladaq ki, MSK-nın bu il yanvarın 11-də keçirilən iclasında ümumilikdə 30 seçki məntəqəsində və 9 bələdiyyəyə üzrə keçirən seçkilərin nəticələri ləğv edilib. Bunlar Qusar rayonu Uluq, Quba rayonu Ağgül, Sabirabad rayonu Şəhriyar, Masallı rayonu Boradigah, İmişli rayonu Mərzəli, Qızılkənd və Sarxanlı, Şəfəq və Naftalan bələdiyyələrinə keçirilən seçkilərin nəticəsində seçicilərin iradəsini müəyyən etmək mümkün olmayıb. Buna görə də həmin bələdiyyələrə keçirilən seçkilər baş tutmamış sayılıb.

18 seçki məntəqəsinin, 2 dairə seçki komissiyasının tərkibi tam olaraq buraxılıb, 2 DSK sədrinin isə öz vəzifəsinə uyğun gəlmədiyi bildirilərək vəzifəsindən uzaqlaşdırılıb.

Pərvin ABBASOV