Batumidə keçirilməsi nəzərdə tutulan enerji sammiti təxirə salınıb
13 yanvar 2010 19:15 (UTC +04:00)

Batumidə keçirilməsi nəzərdə tutulan enerji sammiti təxirə salınıb

Sabah Batumidə keçirilməsi nəzərdə tutulan enerji sammiti təxirə salınıb.
Gürcüstan Xarici İşlər Nazirliyinin mətbuat və informasiya departamentindən APA-ya bildiriblər ki, sammitin təxirə salınması qərarını prezident Mixail Saakaşvili verib.


Buna səbəb Ukrayna prezidenti Viktor Yuşşenkonun Ukraynada keçiriləcək prezident seçkiləri ilə əlaqədar sammitə qatıla bilməyəcəyi olub.


“Ukrayna enerji daşıyıcılarının tranziti üzrə vacib ölkələrdən biri olduğu üçün bu ölkənin prezidentinin iştirakı olmadan belə bir sammitin keçirilməsi məqsədəuyğun sayılmayıb”, - deyə Departamentdən bildirilib.


Bununla belə, yanvarın 14-də Batumidə enerji məsələlərinə həsr olunmuş beynəlxalq konfrans keçiriləcək. Sammitin yeni tarixi isə diplomatik kanallarla razılaşdırılacaq.


Xatırladaq ki, sammitdə Gürcüstan, Azərbaycan, Polşa, Ukrayna, Litva və Latviya prezidentlərinin iştirakı gözlənilirdi.
# 565

Oxşar yazılar