Naxçıvanda seçicilərin 35. 3 %-i səs verib
23 dekabr 2009 10:55 (UTC +04:00)

Naxçıvanda seçicilərin 35. 3 %-i səs verib

Naxçıvan Muxtar Respublikasında (NMR) keçirilən bələdiyyə seçkilərində seçicilərin 35.3 faizi səs verib. NMR Mərkəzi Seçki Komissiyasının (MSK) mətbuat xidmətinin rəhbəri Ramil Sadiqovun Lent.az-a verdiyi məlumata görə, 251 min 845 nəfər seçicinin 88 832 nəfəri artıq səsvermə hüququndan istifadə edib ki bu da seçicilərin 35.3 faizi deməkdir.

R.Saqiqov onu da bildirib ki, muxtar respublikada fəaliyyət göstərən məntəqə və dairə seçki komissiyalarında 25 veb-kamera quraşdırılıb. Bununla yanaşı, 566 nəfər müşahidəçi prosesi izləyir.

Muxtar respublikada 171 bələdiyyəyə 1437 nəfər bələdiyyə üzvü seçiləcək. Bölgədə fəaliyyət göstərən 7 seçki dairəsi üzrə 292 mülki məntəqə, hərbçilərin səs vermələri üçün 24 qapalı məntəqə təşkil olunub.

Səsvermə davam edir.

Fariz YUNİSLİ
# 473

Oxşar yazılar