Səhərlər zəncəfil çayı içməyinizin SƏBƏBLƏRİ

Mütəxəssislər səhərlər niyə zəncəfil çayı içməli olduğunuzu açıqlayıblar.

Lent.az xarici KİV-ə istinadən xəbər verir ki, zəncəgil səhərlər çox faydalı içkidir.

Zəncəfil çayı müalicəvi xüsusiyyətlərə malikdir və orqanizmə, xüsusən də həzmə müsbət təsir göstərir. Zəncəfil mədəyə sakitləşdirici təsir göstərir və səhər bulantılarından qurtulmağa kömək edir.

Zəncəfil çayı psixoloji vəziyyətə və əhval-ruhiyyəyə də müsbət təsir göstərir. Bir stəkan zəncəfil çayı sakitləşməyə və günə stresssiz başlamağa kömək edə bilər. Alimlər sübut ediblər ki, zəncəfil hətta qan təzyiqini aşağı salmağa da kömək edir.

İmmunitet sistemi üçün belə çayın da böyük faydası olacaq. Son araşdırmalar göstərir ki, içki immunitet sistemini gücləndirir, orqanizmi infeksiyalara, soyuqdəymə və qripə qarşı daha davamlı edir.

Qeyd etmək lazımdır ki, zəncəfil həm də faydalıdır, çünki onun tərkibində iltihab əleyhinə təsir göstərən fitonutrient olan gingerol var. Yəni zəncəfilli çay həm də iltihab əleyhinə dərman kimi çıxış edəcək..

Xədicə Əfqan