Satton Foster və Hyu Cekman münasibətləri barədə açıq danışırlar.
Hollivudda Brodvey ulduzu Satton Foster və aktyor Hyu Cekman arasında 2026-cı ildə baş tutması planlaşdırılan mümkün toy haqqında şayiələr gəzir.
Lent.az-ın xarici mediaya istinadla məlumatına görə, məşhur cütlük bütün hüquqi rəsmiləşdirmələr başa çatdıqdan sonra münasibətlərində yeni bir mərhələyə hazırlaşır.
Foster hazırda 2014-cü ildən bəri evli olduğu ssenarist Ted Qriffinlə boşanmasını sürətləndirir.
Bu arada, 27 illik evliliyindən sonra ötən ilin iyun ayında Deborra-Li Furnessdən boşanmasını rəsmiləşdirən Hyu Cekmanın artıq böyük bir şənlik planlaşdırdığı bildirilir. Cütlüyün yaxınlarının sözlərinə görə, aktyor Nyu-Yorkda dəbdəbəli bir toy etmək istəyir.
Şayiələrə görə, Nikol Kidman, Rassel Krou və Naomi Uotts potensial qonaqlar arasında ola bilər. Mənbələr qeyd edir ki, aktyor üçün pul problem deyil, çünki o, bu hadisəni həqiqətən unudulmaz etmək istəyir.
Foster və Cekman arasında romantik münasibətlər haqqında şayiələr, 2021-ci ildən 2023-cü ilə qədər davam edən Brodvey müzikli "The Music Man"da əməkdaşlıqları zamanı yayılmağa başlayıb. Lakin cütlük birlikdə ilk dəfə ictimaiyyət qarşısına yalnız 2024-cü ilin sonlarında çıxıblar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
