Azərbaycan rəqqasları Türkiyədə məharət göstəriblər
31 iyul 2009 17:00 (UTC +04:00)

Azərbaycan rəqqasları Türkiyədə məharət göstəriblər

Türkiyənin Balıkesir vilayətinin Kepsüt şəhərində keçirilən 1-ci Kültür-Sənət və Süd Festivalında səhnə alan Azərbaycan Dövlət Rəqs ansamblı tamaşaçılara keyfli gecə yaşadıb. Lent.az-ın Türkiyə mətbuatına istinadən məlumatına görə, ansambl Bayram Yerində nümayiş qurub.
Rəqqaslar rəqs nömrələri ilə tamaşaçıların alqışını qazanıb. Dörd fərqli nömrənin birincisi “Azərilər mahalı” olub. Rəqqaslar daha sonra “Çoban oyunu”, “Nar-ı eşq”, sonda “Barış rəqsi”ni nümayiş etdirib.
Nümayişin sonunda səhnədə türk bayrağını açan heyət dəvətlilərdən böyük alqış toplayıb. Ən maraqlı nömrə əlindəki çay dolu stəkanları aşırmadan türk gəlinini canlandıran rəqqasənin rəqsi olub.
Uğurlu çıxışlarına görə ansamblı təbrik edən Kepsüt Bələdiyyə başqanı İsmayıl Cankul onları mükafatlandırıb.
Lalə Yusifqızı
# 530

Oxşar yazılar