“Miss Rossiya-2016” gözəllik müsabiqəsinə yekun vurulub. Rusiya Federasiyasının Tümen vilayətindən olan iştirakçı 18 yaşlı Yana Dobrovolskaya müsabiqənin qalibi seçilib.
Lent.az AzərTAc-a istinadən xəbər verir ki, Moskvadakı “Barvixa Luxury Village” kompleksində keçirilən müsabiqədə brilyant və mirvarilərlə bəzədilmiş bir milyon dollar dəyərində tacı qalibə ötənilki yarışmanın birincisi Sofi Nikitçuk təqdim edib. Y.Dobrovolskaya, həmçinin üç milyon rubl və avtomobil mükafatları ilə yanaşı, “Dünya gözəli”, “Kainat gözəli” müsabiqələrində iştirak etmək şansı qazanıb.
Müsabiqədə ikinci yerə Orenburq vilayətinin təmsilçisi Yuliana Korolkova, üçüncü yerə isə Kirov vilayətindən olan Yuliya Xoroşavina layiq görülüblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
