54 yaşlı rus estrada müğənnisi, Rusiyanın xalq artisti, sadəcə olaraq Valeriya kimi tanınan Valeriya Perfilova səhnədə mahnı ifa edərkən yıxılıb.
Lent.az Rusiya mediasına istinadla xəbər verir ki, bu, Patriarx Kirilin Novorossiysk kilsəsində ilahi xidmət zamanı sürüşərək yıxıldığı gün baş verib.
Müğənni bu təsadüfü daha sonra sosial şəbəkə hesabında qeyd edib.
Videoda Valeriyanın “Salam” deyərək səhnədəki pilləkənlərlə necə aşağı düşdüyü, sonra büdrəyərək düz üzü üstə yıxıldığı göstərilir. Ekrandan kənarda bek-vokalından olan qızlardan biri qışqırır. Müğənni etiraf edib: “Bu mənim başıma ilk dəfədir gəlir, heç vaxt səhnədə yıxılmamışam”.
Valeriya izah edib ki, bu, yeni televiziya proqramının çəkilişləridir və səhnənin döşəməsi qaranlıq və parlaq olduğundan, pilləkənlərdən birinin kənarını görə bilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
