Tanınmış bəstəkar və müğənnimizin birgə “Saf Sevgisi”

Gövhər Həsənzadənin mətbuat katibi Ceyran Nərimanın Lent.az-a verdiyi məlumata görə, aranjemanı Yaşar Baxışa, sözləri Fərhad Şabranlıya aid olan “Qəlbimdəsən” mahnısının tezliklə ekranlaşdırılması da nəzərə alınıb. Klipin İstanbulda və ya Bakıda çəkiləcəyi hələlik məlum olmasa da, hazırlayacaqları növbəti mahnı Türkiyədə lentə alınacaq.

Gövhər Həsənzadənin İradə İbrahimovaya yazdıracağı növbəti mahnı “Saf sevgi” adlanır. Ruslan Əliyevin sözlərinə yazılan “Saf sevgi” Türk orkestri tərəfindən aranjeman olunacaq. Mahnının mətni Ayişə Yılmaz Birgül tərəfindən türkcəyə çevriləcək.

Gövhər Həsənzadə və İradə İbrahimova işbirliyinin növbəti proyekti albom olacaq. Albomun Türkiyədə yazılması nəzərə alınıb. Bəstəkar və müğənni bərabər mahnılarının toplumundan ibarət albom buraxmaq fikrindədirlər.

Lalə Yusifqızı