“Zone reality” düşərgəsinin bağlanış mərasimi oldu

Lent.az-ın məlumatına görə, layihənin əvvəlində söz verildiyi kimi, bağlanış mərasimi öz xüsusi özəlliyi ilə seçilib.

İlk olaraq Dima - gənc müğənni öz canlı ifası ilə açılışa start verib. Ardınca “Zone Reality” düşərgəsinə həsr olunmuş klip nümayiş etdirilib. Klipdə 7 gün ərzində Zaqatalanın Car kəndində keçirilmiş oyunlardan videogörüntülər, iştirakçılardan müsahibə və s. göstərilib.

Sonra “Flame Production”un rəhbəri Rüfət Hüseynov qonaqları salamlayaraq düşərgənin iştirakçılarını səhnəyə dəvət edib.

Layihə rəhbəri Günel Teymur isə düşərgə müddətində iştirakçıların gizli səs verməsi nəticəsində müəyyənləşən nominantların adlarını açıqlayıb onlara sertifikat verib. Bundan sonra Günel Teymur qaliblərin adları elan edib. Beləliklə, Aysel Qədirova III, Ramal Bəşirov II, Cavid Nəzərov I pillənin sahibi olub. Qalibə “DNS Computers”dən nootbuk, qalib komandaya hədiyyələr verilib. Qeyd edək ki, 9-6 hesabı ilə Qafqaz komandası digər komandalardan irəli çıxaraq qalibiyyət qazanıb.

Bağlanış mərasimi maraqlı oyunlarla davam edib. İlk olaraq filmlərdən musiqi parçaları səsləndirilib. Cavabı düzgün tapan iştirakçı səhnədə ayrılmış masaya yaxınlaşaraq adını söyləyib və “DNS Computers”dən hədiyyə alıb.

Növbəti hissədə qeyri-adi lotereya oyunu başlayıb. Lotereya kluba daxil olan iştirakçılara verilən nömrələnmiş kartlar keçirilib. Aparıcı lotodromdan çıxan rəqəmlərlə kartı üst-üstə düşən iştirakçını səhnəyə dəvət edib .

Lotereyadan sonra Dima yenidən səhnəyə çıxaraq öz mahnıları ilə diskotekaya start verib.

Xəyalə