“Qarabağ” Antalyada baş tutacaq qış təlim-məşq toplanışı zamanı 6 yoxlama oyunu keçirəcək. Apasport.az saytının məlumatına görə, ağdamlıların bütün rəqibləri və bu oyunların keçiriləcəyi tarixlər artıq məlum olub.
Azərbaycan çempionu ilk matçında yanvarın 17-si Rusiyanın “Kuban” klubu ilə qarşılaşacaq. Qurban Qurbanovun komandası yanvarın 20-si Polşanın “Lexiya” klubu ilə görüşəcək.
Yanvarın 25-də isə iki oyun olacaq. Həmin gün öncə Makedoniyanın "Şkupi", daha sonra isə Ukraynanın "Mariopul" klubları komandamıza rəqib olacaq.
“Qarabağ”ın beşinci sınağı Bosniya və Hersoqovinanın "Sarayevo" komandasına qarşı olacaq. Son yoxlama matçında isə fevralın 3-ü Monteneqronun "Mladost" komandası rəqib olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
