PSJ və Fransa millisinin hücumçusu Kilian Mbappe Paris klubundan ayrılmaq istəyir.
Lent.az bildirir ki, bu barədə “Marca” məlumat yayıb.
Mənbənin sözlərinə görə, hücumçu artıq komanda rəhbərliyinə də istəyini bildirib. PSJ hücumçu ilə görüşə yalnız o halda hazırdır ki, fransalı futbolçu “Real”dan başqa komandaya gedəcək.
Transfer 2023-cü ilin qış və ya yayında baş tuta bilər. 23 yaşlı Mbappe üçün əsas namizəd "Liverpul"dur.
Nüfuzlu ispan jurnalisti Mario Korteqananın sözlərinə görə, futbolçu klub rəhbərliyinin onun şəxsiyyətinə münasibətindən narazıdır və daha parislilərin heyətində oynamaq fikrində deyil.
Mayın 21-də məlum olub ki, Mbappe daha əvvəl “Real” ilə razılığa gəlsə də, karyerasını PSJ-də davam etdirmək qərarına gəlib. Fransa klubu ilə yeni müqavilə 2025-ci il iyunun 30-na qədərdir. Futbolçunun maaşı vergilərdən sonra illik 57 milyon avro olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
