Tomas Tuxelin gedişindən sonra "Çelsi"nin baş məşqçi postuna namizədlər açıqlanıb.
Lent.az-ın xarici mediaya istinadla məlumatına görə, klub PSJ-nin keçmiş çalışdırıcısı Maurisio Poçettino və “Real”ın keçmiş baş məşqçisi Zinəddin Zidanla danışıqlar aparacaq. “Brayton”un baş məşqçisi Qrem Potter də iddiaçılar sırasında sayılır.
Tuxel sentyabrın 7-də istefaya göndərilib. Londonluların bəyanatında deyilir: "Tomas Çempionlar Liqası, Superkubok və Klublararası Dünya Çempionatını qazandıqdan sonra klubun tarixində layiqli yerini tutacaq".
Sentyabrın 6-da Çempionlar Liqasının qrup mərhələsinin ilk oyununda "Çelsi" Zaqreb "Dinamo"suna məğlub olub. İngiltərə Premyer Liqasında altı turdan sonra üç qələbə, iki məğlubiyyət və bir heç-heçə ilə londonlular 6-cı pillədə qərarlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
