Ötən gün Qobustan rayonunda baş verən dəhşətli yol qəzası ilə bağlı cinayət işi açılıb.
Baş Dövlət Yol Polisi İdarəsindən APA-ya verilən məlumata görə, baş verən hadisə ilə bağlı İdarənin istintaq şöbəsi tərəfindən Cinayət Məcəlləsinin 263.3-cü (yol hərəkəti qaydalarını pozma - iki və daha artıq şəxsin ölümünə səbəb olduqda) maddəsi ilə cinayət işi başlanıb.
Qeyd edək ki, ötən gün saat 15:30 radələrində Bakı-Şamaxı yolunun 59-cu kilometrliyində, Qobustan rayonu ərazisində qeydə alınıb.
Ağsu rayonun Qasımbəyli kənd sakini 1956-cı il təvəllüdlü Hacıyev İnqilab Tacəddin oğlunun idarə etdiyi 90-BC-517 dövlət nömrə nişanlı “VAZ 2107” markalı minik maşını qarşı tərəfdən gələn Rəsulov Nurlan Ədalət oğluna məxsus 90-KU-103 dövlət nömrə nişanlı “VAZ 2107” markalı maşınla toqquşub. Hadisə nəticəsində 7 nəfər dünyasını dəyişib, bir nəfər ağır xəsarət alıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
