DİN dəhşətli qətllərlə bağlı məlumat yaydı

Daxili İşlər Nazirliyi dünən törədilmiş qətllərlə bağlı məlumat yayıb. Lent.az nazirliyin mətbuat xidmətinə istinadən xəbər verir ki, martın 28-də Lənkəran rayonunun Səpnəkəran kəndində yaşayan Rüfət Əliyev evində münaqişə zəminində arvadı Maygül Əliyevanı döyüb və evdən çıxıb gedib. M.Əliyeva hadisə yerində ölüb. Lənkəran ŞRPŞ əməkdaşları tərəfindən görülən tədbirlərlə R.Əliyev tutulub.

Bundan başqa martın 28-də Sabirabad rayonunun Ulacalı kəndində yaşayan əvvəllər məhkum olunmuş Röyal Məmmədov evində arvadı Günel Məmmədova ilə aralarında baş verən münaiqşə zəminində 7 yaşlı oğlu Röyaminin başına çəkiclə xəsarət yetirib və nəticədə uşaq hadisə yerində ölüb. R.Məmmədov Sabirabad RPŞ əməkdaşları tərəfindən tutulub.

Hər iki faktla bağlı araşdırma aparılır.