Çingiz Abdullayevin yeni kitabı çap edildi

Bakı Slavyan Universitetinin professoru, kulturologiya elmləri doktoru Çingiz Abdullayevin bu il çapdan çıxmış “Oil Boom and Football” (ingilis dilində) adlı kitabının təqdimatı olacaq. Lent.az-ın məlumatına görə, kitab İngiltərə Futbol Assosiasiyasının 150 illiyinə də həsr olunub. Kitabın elmi redaktoru tarix elmləri doktoru, professor Kamil İbrahimovdur. Bundan başqa İngiltərə - Azərbaycan əlaqələri də kitabda öz əksini tapıb. Kitab “The British Library” kitabxanasında qeydiyyata salınıb.

Kitaba görə Azərbaycan Respublikasının Böyük Britaniya və Şimali İrlandiyadakı səfiri F.Qurbanov tərəfindən müəllifə təşəkkür məktubu ünvanlanıb.

Kitab Böyük Britaniyanın bir neçə universitet, elmi mərkəz və futbol assosiasiyası tərəfindən rəğbətlə qarşılanıb.