Bakının Nəsimi rayonunda yol qəzası baş verib.
APA TV-nin məlumatına görə, avtoqəzanı Bəhreyn vətəndaşı icarəyə götürdüyü avtomobillə törədib.
Yol nəqliyyat hadisəsi Bakıxanov küçəsində qeydə alınıb. Bəhreyn vətəndaşı Səid Həsən "Kia" markalı avtomobillə Bakıxanov küçəsində orta yolla hərəkətdə olarkən qəfildən sola dönmə əməliyyatı edib. Bu zaman sol yolla hərəkət edən "Nissan" markalı digər avtomobil "Kia"ya çırpılıb.
Yol qəzası nəticəsində avtomobillərə ciddi ziyan dəyib. Hadisə yerində yol polis əməkdaşları olub və sürücülərin ifadələri alınıb. Faktla əlaqədar araşdırmalara başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
