Məcburi köçkünlərin məskunlaşdığı binada yanğın olub - YENİLƏNİB

Nərimanovda, Heydər Əliyev prospekti 81 ünvanındakı yerləşən yaşayış binasında yanğın artıq söndürülüb.

APA-nın hadisə yerində olan müxbirinin verdiyi xəbərə görə, yanğın Nərimanov rayonu ərazisində yerləşən, hazırda məcburi köçkünlərin məskunlaşdığı 3 saylı texniki-peşə məktəbində baş verib. Yanğın binanın 3-cü mərtəbəsində yerləşən, hazırda yaşayış olmayan mənzildə baş verib.

Qeyd edək ki, yanğın nəticəsində bir neçə sakində tüstüdən zəhərlənmə halı qeydə alınıb.

Zərərçəkmiş şəxslərə hadisə yerinə çağırılmış təcili yardımın həkimləri tərəfindən tibbi yardım göstərilib.

Hadisə yerinə FHN Dövlət Yanğından Mühafizə Xidmətinin 6 yanğınsöndürən briqadası cəlb olunub.

Yanğının səbəbləri araşdırılır.

***

20.53

Nərimanov rayonu, Heydər Əliyev prospekti 81 ünvanındakı yaşayış binasında yanğın baş verib. Məlumata görə, hadisə yerinə FHN Dövlət Yanğından Mühafızə Xidmətinin yanğınsöndürənləri cəlb olunub.

Hazırda yanğının söndürülməsi istiqamətində tədbirlər görülür.

Hadisə ilə bağlı əlavə məlumat veriləcək.