. Bakıda Heydər Əliyev prospektinin Nərimanov rayonundan keçən hissəsində yol-nəqliyyat hadisəsi baş verib. APA-nın məlumatına görə, prospektdən üzü "Koroğlu" metrostansiyasına tərəf hərəkət edən "Mercedes Benz" markalı avtomobil yoldan çıxaraq öncə işıq dirəyinə, daha sonra isə əks istiqamətdə hərəkət edən "Hyundai Santa Fe"yə çırpılıb.
Qəza nəticəsində "Mercedes Benz" markalı avtomobil yararsız hala düşüb, sürücüsü isə ağır bədən xəsarətləri alıb. O, 1 saylı Şəhər Kliniki Xəstəxanasına çatdırılıb . "Hyundai Santafe"nin qadın sürücüsü isə xəsarət almayıb.
Nərimanov Rayon Yol Polisi İdarəsindən verilən məlumata görə, qəzaya səbəb "Mercedes Benz"in sürücüsünün avtomobili yüksək sürətlə idarə etməsi olub.
Faktla bağlı Nərimanov Rayon Yol Polisi İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
