Bakıda qətl törətmiş şəxs yaxalanıb. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, polis və prokurorluq orqanları əməkdaşlarının apardığı əməliyyat tədbirləri və istintaq hərəkətləri ilə yanvarın 11-də Nəsimi rayonu ərazisində Bakı şəhər sakini, əvvəllər məhkum olunmuş Ramil Novruzovun Ağsu rayon sakini, əvvəllər məhkum olunmuş Əlişir Bəkirov tərəfindən qətlə yetirilməsi müəyyən edilib.
Ə.Bəkirovun hadisəni törədərkən istifadə etdiyi müvafiq sənədləri olmayan lüləsi və qundağı kəsilmiş ov tüfəngi Ağsu rayon sakini, əmisi, əvvəllər məhkum olunmuş Xaliq Bəkirzadənin həyətində aşkar edilərək götürülüb.
Qeyd edək ki, məlum hadisə metronun “20 Yanvar” stansiyası yaxınlığında baş verib. R.Novruzov başına açılmış atəş ilə qətlə yetirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
