17 mərtəbəli binada yanğın: 2 nəfər xəstəxanalıq oldu

Bakıda 17 mərtəbəli binada yanğın olub. Lent.az-ın Fövqəladə Hallar Nazirliyinin saytına istinadən məlumatına görə, şəhərin Yasamal rayonu, Şərifzadə 196 ünvanda 17 mərtəbəli yaşayış binanın 1-ci mərtəbəsindən 13-cü mərtəbəsinədək şaxtadan keçən elektrik kabelləri yanıb. Yanğın zamanı tüstülənmiş mənzillərdən 34 nəfər təxliyə edilib.

Təxliyə edilən şəxslərdən ikisi tüstüdən zəhərlənmiş halda xəstəxanaya aparılıb. Yanğın söndürülüb.