Bu gün Yasamal rayonu ərazisində, Dairəvi yolda ağır yol qəzası baş verib. Lent.az-ın hadisə yerində olan əməkdaşının verdiyi məlumata görə, 90 VO 672 nömrəli “Lada Priora” yolun kənarında dayanan 19 BB 344 nömrə nişanlı “VAZ 2106"-ya çırpılıb. Zərbənin gücündən hər iki maşın yoldan çıxıb. Hadisə nəticəsində “VAZ 2106"-nın sürücüsü ağır yaralanıb. Polis hadisə yerinə gəlib. Məlum olub ki, hadisəni törədən ”Lada Priora”nnı sürücüsü yuxulu olub. Sürücü Əli Süleymanov Lent.az-ın müxbirinə hadisənin onun diqqətsizliyi ucbatından baş verdiyini etiraf edib.
Yaralanan digər sürücü xəstəxanaya aparılıb. Onun şəxsiyyətini müəyyən etmək hələlik mümkün olmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
