Avtoş onlarca insanın həyatına təhlükə yaratdı

Bu gün saat 17.30 radələrində Şirvan şəhərində avtoxuliqan insanların sıx olduğu ərazidə qəza törədib. Lent.az-ın məlumatına görə, Nərimanov küçəsində Şirvan şəhər sakini 1993-cü il təvəllüdlü Babayev Kamran Həbibulla oğlu “VAZ 2107” markalı, 90 ZA 587 dövlət nömrə nişanlı avtomobillə insanların intensiv hərəkət etdiyi ərazidə ötmə qadağan olunan yolda qəza törədərək “Mercedes” markalı avtomobillə toqquşub. Daha sonra o, ətrafdakıların üzərinə hücum çəkərək sanki özünün haqlı olmasını sübut etməyə çalışıb. Bu azmış kimi ona irad tutanlara qarşı xuliqanlıq edib, çəkiliş qrupuna və ətrafdakılara qarşı aqressivlik nümayiş etdirib.

Avtoşun öz dostları ilə əylənməsi ona baha başa gəldi. Hadisə ATV və APA.TV çəkliş qrupunun gözü qarşısında olub. ATV və APA-nın çəkiliş qrupuna hücum etmək istəyərkən “qəhrəman” avtoş polis əməkdaşları tərəfindən saxlanılıb. Faktla bağlı Şirvan Polis İdarəsi tərəfindən araşdırma aparılır.

Əlibəy Zeynallı