Bakı-Qazax yolunun 117-ci kilometrliyində, Hacıqabul rayonunun Pirsaat kəndi ərazisində noyabrın 11-də saat 23.45-də naməlum yük maşınından yola tökülən mişar daşları avtomobillərin intensiv hərəkət etdiyi magistral yolda qəzaya səbəb olub.
APA-nın Mil-Muğan bürosunun verdiyi məlumata görə, sürətlə hərəkətdə olan 3 müxtəlif markalı avtomobil yola tökülmüş daşlara çırpılıb və daha sonra bir-birlərinə dəyib. Hadisə zamanı xəsarət alan olmasa da, avtomobillərə ciddi ziyan dəyib.
Faktla bağlı BDYPİ tərəfindən araşdırma aparılır, sürücünün axtarılaraq tapılması istiqamətində tədbirlər görülür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
