Rusiyanın Anapa şəhərində keçirilən yeniyetmələr arasında Avropa çempionatında 4 boksçumuz yarımfinala vəsiqə qazanıb. Lent.az-ın məlumatına görə, 52 kq çəki dərəcəsində yarışan Tayfur Əliyev ¼ finalda macarıstanlı İştvan Szka üzərində qələbə qazanıb – 2:1 (29:28, 29:28, 28:29).
Boksçumuz yarımfinalda italiyalı Marko Amorozo ilə qarşılaşacaq. Hüseyn Tarverdili (70 kq) isə Fransa nümayəndəsi Kristof Fataki Bobozonu 3-cü raundda nokauta salıb. Tarverdili finala gedən yolda Ermənistan boksçusu Vardan Kosyanla üz-üzə gələcək.
Qeyd edək ki, bunadək Rüfət Hüseynov (46 kq) və Ümid Rüstəmov da (50 kq) yarımfinala vəsiqəni təmin edib. Şükran Mehdiyev (+80 kq), Pərviz Quliyev (57 kq) və Rövşən Musayev (75 kq) isə ¼ finalda mübarizəni dayandırıblar. Avropa birinciliyinə noyabrın 16-da yekun vurulacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
