Anasının müğənni sevgilisini öldürən gəncin məhkəməsi başladı
12 noyabr 2013 23:28 (UTC +04:00)

Anasının müğənni sevgilisini öldürən gəncin məhkəməsi başladı

Bakı Ağır Cinayətlər Məhkəməsində qətldə təqsirləndirilən 16 yaşlı Aydın Orucovun məhkəmə prosesinə start verilib. Yeniyetmə anasının xanəndə sevgilisini öldürməkdə təqsirləndirilir.

 

APA TV-nin xəbərinə görə, ağır cinayət hadisəsi 2013-cü il iyulun 12-də Nəsimi rayonu, Salamzadə küçəsi, 34 ünvanda baş verib. Həmin ünvanda sənətçi Samir Mustafayev  öldürülüb. Qətli törədən yeniyetmə Samiri oğru zənn edərək qətlə yetirib. Mərhumun mobil telefonundakı "SMS" oxunandan sonra məlum olub ki, Samir gecə evə oğru kimi yox, yaxın münasibətdə olduğu qadının yanına gəlibmiş .

 

Hadisə baş verən gecə ikinci mərtəbədə olan Aydın Orucov birinci mərtəbədən səs eşidərək, aşağı düşüb. Birinci mərtəbədə anası yatan otağa çatanda Samirlə üz-üzə gəlib.Onu oğru zənn edərək, bıçaqla iki dəfə vurub.  Xanəndə  evdən qaçsa da, Aydın onu təqib edib. Samiri “Papanin” körpüsünün altında tutub və bıçaqla daha bir zərbə vuruib və hadisə yerindən uzaqlaşıb.

 

Orta məktəbin 11-ci sinif şagirdi olan Aydın ifadəsində Samiri evlərinə məhz oğurluğa girməsinə görə vurduğunu deyib.  Məlum olub ki, Samirin telefonunda son "SMS" Aydının anası tərəfindən yazılmış “Qapı açıq olacaq, girərsən içəri” olub. Bu "SMS"-dən sonra Samirin Aydıngilin evinə hansı məqsədlə getməsi aydınlaşıb.

 

Proses noyabrın 14- də davam etdiriləcək.

# 2711
avatar

Oxşar yazılar