Ağa Neymətulla küçəsində hərəkət məhdudlaşdırılacaq

Bu gün Ağa Neymətulla küçəsində nəqliyyat vasitələrinin hərəkəti məhdudlaşdırılacaq. “Azəryolservis” ASC-dən Lent.az-a verilən məlumata görə, göstərilən ərazidə məhdudlaşdırma Bakı şəhərində nəqliyyat vasitələrinin hərəkətinin tənzimlənməsi məqsədi ilə yol cizgiləri xətlərinin, piyada keçidlərinin və yolgöstərici xətlərin yenidən rənglənməsi səbəbindən tətbiq edilir. Tərtib olunmuş qrafikə əsasən, Ağa Neymətulla küçəsində yolun hərəkət hissəsinin üfüqi nişanlanma xətlərinin rənglənməsi işləri saat 22:00-da başlanılacaq və səhər saatlarınadək davam edəcək.

Nəqliyyat Nazirliyi “Azəryolservis” ASC sürücülərdən aparılan işlərə anlayışla yanaşmalarını xahiş edir. Göstərilən müddət ərzində alternativ yollardan istifadə etmək tövsiyə olunur.