Qəbələdə "Mercedes" qəzaya uğradı: ölən var - YENİLƏNİB

Qəbələ rayonunda bir nəfərin ölümü, bir nəfərin ağır xəsarət alması ilə nəticələnən avtomobil qəzası baş verib.

APA-nın yerli bürosunun xəbərinə görə, Qəbələ-Oğuz avtomobil yolunda, Nic qəsəbəsi ərazisində qeydə alınıb. Qax rayon sakini, 1992-ci il təvəllüdlü Qaracayev İntiqam Abdulla oğlunun idarə etdiyi 99-EK-352 dövlət nömrə nişanlı “Mercedes” markalı minik avtomobili yüksək sürətlə hərəkətdə olarkən yoldan çıxıb və ağaca çırpılıb. Avtomobil tamamilə əzilərək yararsız hala düşüb. Sürücü hadisə yerində ölüb, sərnişin, 1985-ci il təvəllüdlü Abbasova Esmira Əsədəli qızı müxtəlif dərəcəli bədən xəsarətləri ilə Qəbələ Mərkəzi Rayon Xəstəxanasına çatdırılıb.

05:36

Fövqəladə Hallar Nazirliyinin Böhran Vəziyyətlərində İdarəetmə Mərkəzinə Qəbələ şəhərində “Mercedes” markalı minik avtomobilin qəzaya uğraması barədə məlumat daxil olub.

APA-nın FHN-in saytına istinadən verdiyi xəbərə görə, dərhal nazirliyin Şimal-Qərb Regional Mərkəzinin xilasetmə qüvvələri hadisə yerinə cəlb olunaraq minik avtomobilində sıxılmış vəziyyətdə qalmış 1992-ci il təvəllüdlü Qaracayev İntiqam Abdulla oğlunun meyitini çıxarıb və aidiyyətı üzrə təhvil veriblər.

Əməliyyat saat 01:58-də başa çatıb.