Bu gün Yasamal rayonu İsmayıl bəy Qurtqaşınlı küçəsində yerləşən "Altes Plaza" yaşayış və biznes mərkəzində baş vermiş yanğın söndürülüb. Yasalam rayon Dövlət Yanğından Mühafizə İdarəsindən Lent.az-a bildirilib ki, yanğın binanın 3-cü mərtəbəsində yerləşən restoranın şaxtasında baş verib. Şaxtaya toplanmış tullantıların alovlanması nəticəsində binanın damından qatı tüstü çıxıb və insanlar oradan təxliyyə edilib.
Artıq yanğın tam söndürülüb.
*****
10:18
Bu gün saat 10 radələrində Yasamal rayonu İ.Qurtqaşınlı küçəsində yerləşən "Altes Plaza" yaşayış və biznes mərkəzində yanğın başlayıb. Lent.az xəbər verir ki, hadisə yerinə bir neçə yanğınsöndürmə briqadası cəlb edilib.
Yanğından Mühafizə Xidmətindən Lent.az-a bildirilib ki, binanın damından tüstü qalxıb, lakin açıq alov müşahidə edilmir. Hazırda yanğın yerinin müəyyənləşdirilməsi və söndürülməsi istiqamətində iş aparılır.
Hadisə ilə bağlı əlavə məlumat veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
