Rusiyada həbs edilən vəkil Elman Paşayev Ukraynada döyüşüb?

Keçmiş vəkil Elman Paşayev həbs olunmazdan əvvəl Ukraynadakı müharibədə T-80 tankının ekipaj komandiri kimi xidmət edib.

Lent.az-ın xarici mediaya istinadən məlumatına görə, keçmiş hüquqşünas fevral ayında Müdafiə Nazirliyi ilə müqavilə bağlayıb və 95-ci motoatıcı alayında xidmət edib. Oradakı komandanlıq Paşayevi bəyənmədiyi üçün o, beşinci briqadaya keçib.

Həmkarlarının dediyi kimi, Paşayev yeni rəhbərliklə tez bir zamanda münasibət qurub və briqada daxilində yaranmış vəziyyətdə hüquqi yardım vəd edib. Eyni zamanda, hərbçilər keçmiş vəkili heç vaxt T-80 tankı ilə döyüşdə görmədiklərini qeyd ediblər.

Sentyabrın 18-də Paşayev xüsusilə külli miqdarda dələduzluq işi üzrə həbs edilib. O, 45 milyon rubldan çox (480 min dollardan çox) dələduzluqda şübhəli bilinir.

Paşayevə qarşı iş bloqqer Yelena Blinovskayanın əri Alekseyin ərizəsi əsasında açılıb və o, zərərçəkmiş kimi tanınıb. O, arvadını istintaq təcridxanasından azad edəcəyini və vergidən yayınma cinayət işini susduracağını vəd edən keçmiş vəkilə 45 milyon rubldan çox pul köçürüb.