İki avtobus toqquşdu: 8 yaralı - FOTO - VİDEO - YENİLƏNİB
08 may 2020 10:05 (UTC +04:00)

İki avtobus toqquşdu: 8 yaralı - FOTO - VİDEO - YENİLƏNİB

Sumqayıtda baş vermiş avtobus qəzasında 14 nəfər xəsarət alıb.

APA-nın yerli bürosunun xəbərinə görə, ilkin tibbi yardım göstərilən 12 nəfər evə buraxılıb, 2 nəfər isə xəstəxanaya yerləşdirilib. Xəstəxanaya yerləşdirilmiş N. Əliyeva və M. Məmişovun vəziyyəti orta-ağırdır.

***

09:44

Sumqayıtda iki marşrut avtobusu toqquşub. 

APA-nın yerli bürosunun məlumatına görə, səhər saatlarında şəhərin Sülh prospektində  3 nömrəli xətt üzrə hərəkət edən 50 AE 771 dövlət nömrə nişanlı avtobus qarşıdan gedən 9 nömrəli xətt üzrə hərəkət edən 50 AE 731 dövlət nömrə nişanlı marşrut avtobusuna çırpılıb. Nəticəsində  8 nəfərin müxtəlif dərəcəli bədən xəsarətləri aldığı bildirilir. 

Xəsarət alanlar Sumqayıt şəhər Təcili Tibbi Yardım Xəstəxanasının Travmatologiya şöbəsinə yerləşdiriliblər. İlkin ehtimala görə, qəzaya yüksək sürət səbəb olub. 

 

Faktla bağlı araşdırma aparılır.

1 2 3 4 5 İDMAN XƏBƏRLƏRİ
# 3624
avatar

Oxşar yazılar