Tatlısəsə nəzər dəydi

Matın 14-də silahlı hücum zamanı başından ağır güllə yarası alan, 3 aydır ki, xəstəxanada müalicə olunan Türkiyənin məşhur müğənnisi İbrahim Tatlısəsə nəzər dəyib. Lent.az-ın Türkiyənin “Vatan” qəzetinə istinadən verdiyi məlumata görə, iyunun 21-də İstanbulda xəstəxanada görüntü verərək pərəstişkarlarını sevindirən və yardım olmadan müstəqil yeriməyi bacaran İbrahim Tatlısəsin 1 gün sonra ayağı sürüşərək yıxılıb.

Başı sərt bir şəkildə yerə dəyən müğənniyə həkimlər ilk müdaxiləni elə yerdəcə ediblər. Daha sonra xəstəxananın tibb koordinatoru, professor Tunç Alp Kalyona telefonla xəbər verilib. Müayinələrdən sonra İbrahim Tatlısəsin sağlıq durumunun yaxşı olduğu üzə çıxıb. İbrahim Tatlısəs yaşadığı bu olaaydan sonra hirslənərək yanındakı hər kəsə qışqırıb.