Tunis: Müxalifət liderinin qatili həbs olunub

Tunis müxalifət liderlərindən biri Şükrü Belaidin qətlində şübhəli bilinən həbs olunub. Hakimiyyət bu qalmaqallı cinayət işinin açıldığını bəyan edib.

Lent.az-ın «BBC»-yə istinadən məlumatına görə, o, «Əl-Vatad» Partiyasının lideri idi. Bu ilin fevralında odlu silahdan atəş nəticəsində öldürülüb.

Bu faciəli olay ölkədə kütləvi etiraz aksiyalarının keçirilməsinə və nəticədə baş nazir Hamad Cibalinin istefasına səbəb olub.

Qeyd edək ki, Ş.Belaidin partiyası dünyəvi görüşlüdür. «əl-Vatad»-çılar iddiasına görə, onların lideri islamçı sayılan siyasi partiya tərəfindən qətl yetirilib. Əks tərəf isə bu iddianı rədd edir.