Suriyada parlament seçkiləri başa çatdı

Suriyada Xalq Şurasına (parlament) seçkilərdə səsvermə başa çatıb.

APA-nın TASS agentliyinə istinadən verdiyi məlumata görə, səsvermə başa çatdıqdan sonra səslərin sayılmasına başlanılıb.

İlkin nəticələr 48 saat ərzində açıqlanacaq. Seçkilərdə 11 mindən çox namizəd iştirak edib. Rakka və İdlib əyalətlərinin əksər ərazilərinin İŞİD və “Cəbhət ən-Nüsrə” terror təşkilatının nəzarəti altında olduqları üçün, burada səsvermə keçirilməyib.

Qeyd edək ki, Suriyanın qanunverici orqanı 250 deputatdan ibarətdir. Xalq Şurasına deputatlar ümumi səsvermə yolu ilə 5 il müddətinə seçilirlər.