Moldova prezidenti Nikolay Timofti ölkənin baş nazir postuna katibi İon Pedurarunun namizədliyini irəli sürüb. APA-nın “RİA Novosti”yə istinadən verdiyi xəbərə görə, Moldova prezidenti Pedurarunun namizədliyini irəli sürərək parlament çoxluğunun baş nazir postuna təklif etdiyi sahibkar, Demokratik Partiyanın üzvü Vlad Plaxotnyukun namizədliyini rədd edib.
Mövzu ilə bağlı Moldova prezidentinin aparatı hələlik heç bir məlumat yaymayıb.
Qeyd edək ki, İon Peduraru bir müddət əvvəl ədliyyə naziri vəzifəsində çalışıb və vəkil fəaliyyəti ilə məşğul olub.
Yerli politoloqların məlumatına görə, İon Peduraru bundan əvvəl prezident tərəfindən baş nazir postuna irəli sürülmüş, lakin parlament tərəfindən rədd edilmiş sabiq baş nazir İon Sturzanın komandasındandır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
