İranın təbii qazı hələ də Ermənistanın ümumi bazarına girməyib

İranın təbii qazı hələ də Ermənistanın ümumi bazarına tədarük olunmur.

Lent.az-ın «Novosti-Armenii»-yə istinadən məlumatına görə, ölkənin energetika və təbii ehtiyatlar naziri Armen Movsisyan agentliyin sualına cavabında bunu deyib.

İslam Respublikasına səfəri nazir İran prezidenti Həsən Ruhani, neft naziri Bijən Zəngənə ilə görüşüb. Bu səfərin yekunundan danışan A.Movsisiyan qeyd edib ki, müzakirələr zamanı qışda İranın təbii qazının Ermənistana ixracının həcminin artırılması qarşılığında bu ölkədən də İslam Respublikasına elektrik enerjisinin ötürülməsindən danışılıb.

O, vurğulayıb ki, paylayıcı şəbəkədən təbii qaz hələlik yalnız İrəvana verilir. Tədarük ediləcək «mavi yanacağın» həcminin artırılması da müəyyən edilməyib.

Xatırladaq ki, Ermənistan əsasən Rusiya təbii qazından istifadə edir. İrəvan İrandan isə bir kub metr qaz qarşılığında 3 kvt/saat elektrik enerjisi verir.