İran və «altılıq» ölkələri hələ anlaşmayıb

Cenevrədə (İsveçrə) «altılıq» ölkələri ilə İran arasında keçirilən nüvə danışıqlarında müəyyən fikir ayrılıqları müşahidə olunur. Bunu danışıqlarda iştirak edən İranın XİN rəhbəri Mühəmməd Cavad Zərif bəyan edib.

APA-nın «Frans Press»ə istinadən verdiyi xəbərə görə, tərəflər bəzi mövzular üzrə yekdil fikrə gəlsələr də, digər mövzularla bağlı fikir ayrılığı yaranıb. «5+1» qrupu daxilində fikir ayrılığı mövcuddur», - deyə xarici işlər naziri bildirib.

Qeyd edək ki, İranın nüvə proqramı ilə bağlı aparılan danışıqlarda iştirak edən «altılıq» qrupuna ABŞ, Böyük Britaniya, Fransa, Almaniya, Rusiya və Çin daxildir.