Heydər Əliyev Pakistanda yad edilib

Heydər Əliyevin 90 illik yubileyi ilə bağlı Pakistanın Ticarət və Sənaye Palatasında toplantı keçirilib. Bu barədə Lent.az-a Azərbaycanın Pakistandakı səfirliyindən məlumat verilib.

Toplantıda Ticarət və Sənaye Palatasının prezidenti, Kayde Azam Universitetinin, Preston Universitetinin, Müasir Dillər Universitetinin, Pakistan Milli Universitetinin rektorlarları, Milli kitabxananın direktoru, “Diplomatik İnsight”, “Diplomatic Star”, “Centreline” jurnalları”, “Daily Times”,“Pakistan Observer”, “The News”qəzetlərinin baş redaktorları, Pakistanın tanınmış ictimai-siyasi xadimləri,ölkəninkütləvi informasiya vasitələrinin nümayəndələri iştirak ediblər.

Tədbirdə çıxış edən Pakistanın Ticarət və Sənaye Palatasının sədri Zəfər Bəxtəvari Pakistan-Azərbaycan münasibətlərin qurucusu olan Heydər Əliyevin ikitərəfli iqtisadi və ticarət əlaqələrinin inkişafına verdiyi töhvələrdən danışıb.

Tədbirdə çıxış edən Azərbyacanın Pakistandakı səfiri Daşqın Şikarov öz çıxışında ulu öndər Heydər Əliyevin Azərbaycan-Pakistan münasibətlərin inkişafında əvəzsiz rolundan danışıb. Səfir ümummilli liderin ideyalarının onun layiqli davamçısı İlham Əliyev tərəfindən ardıcıl olaraq həyata keçirildiyini vurğulayıb.

Tədbirin sonunda toplantı iştirakçılarına “Heydər-Əliyev-Azərbaycanın Ümumilli Lideri” kitabı paylanılıb.