“ATƏT-in 10 illik yubileyini nəinki ATƏT, eyni zamanda Cənubi Qafqaz ölkələrinin jurnalistləri qeyd edirlər. Biz birlikdə bir çox layihələri həyata keçirərək mühüm qərarlar qəbul etmişik. Bu, bizim ümumi uğurumuzdur.” APA-nın Gürcüstan bürosunun məlumatına görə, bu sözləri APA-ya açıqlamasında ATƏT-in mətbuat və söz azadlığı üzrə nümayəndəsi Dunya Miyatoviç deyib.
Qeyd edək ki, bu il noyabrın 28-də Vyana şəhərində ATƏT-in söz və ifadə azadlığı sahəsində həyata keçirdiyi tədbirlərin 10 illik yubileyi keçiriləcək.
Dunya Miyatoviçin dediyinə görə, 10 illik yubiley ATƏT-in Cənubi Qafqaz ölkələrinin jurnalistləri ilə həyata keçirdiyi tədbirlərə həsr olunub: “Qanunların qəbulunda yaxşı nəticələrimiz çox olub. Eləsi var ki, müsbət, eləsi də var mənfi olub. Əsası odur ki, özümüzün 10 illik yubileyimizi qeyd edirik. Hökumət nümayəndələri, ATƏT rəsmiləri və jurnalistlərlə birlikdə öz işimizi uğurla davam etdirəcəyik”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
