İkinci dünya savaşı bitəndən bəri Britaniyanın hərbi bazası təxminən 70 ildir Almaniyada yerləşir.
Lent.az-ın «RİA Novosti»-yə istinadən məlumatına görə, krallığın müdafiə naziri Filip Hammond parlamentdəki çıxışında bildirib ki, 2019-cu ilə kimi öz hərbçilərini bu ölkədən çıxaracaqlar.
Bir müddət öncə Müdafiə Nazirliyi bildirmişdi ki, «soyuq savaş» illəri bitdiyindən Almaniyadakı baza da öz aktuallığını itirib.
Mənbənin xatırlamasına əsasən, hazırda bu ölkə ərazisində 15 min britaniyalı hərbçi və onların ailəsi var. 2016-cı ildə onların 70 faizi, 2019-cu ildə isə 4,5 mini çıxarılacaq. Bundan başqa Almaniyadakı hərbi bazanın ləğvini həm də iqtisadi cəhətdən səmərəli sayırlar.
«Bu, ildə 240 milyon funt strerlinq qənaət deməkdir» - deyə, müdafiə naziri bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
