BMT Haitidə xolera (vəba) qurbanlarına yardım etməkdən rəsmi olaraq, imtina edib.
Lent.az-ın məlumatına görə, bir müddət öncə alimlər xəstəliyin mənbəyinin BMT-nin yerli bazasındakı kanalizasiya boruları olduğunu bildirmişdi.
Son iki ildə xoleradan Haitidə 8 minə yaxın insan həlak olub.
Alimlər ehtimal edir ki, bu xəstəlik əvvəllər ölkədə olmayıb və onu BMT sülhməramlıları Nepaldan gətirib.
Alimlərin bəyanatından sonra Haiti və ABŞ-dan olan hüquqçular BMT-yə qarşı bir neçə milyard dollarlıq kompensasiya iddiası qaldıracaqlarını bildirib.
Qurum isə qeyd edib ki, 1947-ci ildə Baş Assambleyanın təsdiqlədiyi konvensiyaya uyğun olaraq, bu sayaq iddialara qarşı BMT-nin immuniteti var. Bundan başqa BMT sülhməramlıların yolxucu xəstəliyi yayması ilə bağlı ittihamları qəbul etmir və bildirir ki, xəstəliyin mənbəyini müəyyən etmək mümkünsüzdür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
