Zooparkdan qaçan yırtıcı heyvanlar yaxalandı - YENİLƏNİB

Almaniyanın Lünebach şəhərindəki 30 hektarlıq zooparkdan qaçan yırtıcı heyvanlar tutulub. Lent.az Fransanın AFP xəbər agentliyinə istinadən xəbər verir ki, geniş axtarış tədbirlərinə dornlar da cəlb edilib və uçuş aparatları vasitəsi ilə heyvanların yeri müəyyənləşdirilib. Onlar daimi yerlərinə qaytarılıb.

Bildirilir ki, son günlər Almaniyanın Lünebach bölgəsinə və ətraf regionlara güclü yağış yağıb və nəticədə böyük zoopark ərazisini də su basıb. Bu səbəbdən də heyvanlar rahatlıqla oradan qaça biliblər.

Qeyd edək ki, şəhər adminstrasiyası vəhşi heyvanlardan qorunmaq üçün əhalinin evdən çıxmamaması ilə bağlı xəbərdarlıq yaymışdı.

*****

16:44

Almaniyada zooparkdan yırtıcı heyvanlar qaçıb. Lent.az-ın BBC-yə istinadən məlumatına görə, Lünebach şəhərində yerləşən zooparkdan 2 aslan, 2 pələng və 1 yaquar qaçıb.

Şəhər rəsmiləri vətəndaşlara evdən çıxmamaqla bağlı xəbərdarlıq edib.

Hətta heyvanlar qaçan zaman 1 ayının da işçilər tərəfindən vurulduğu qeyd edilib.