ABŞ Karzayın NATO ilə bağlı tələbinə izahat istəyir
26 fevral 2013 06:49 (UTC +04:00)

ABŞ Karzayın NATO ilə bağlı tələbinə izahat istəyir

Əfqanıstan hakimiyyəti NATO qüvvələrindən Vərdək əyalətini tərk etməsini istəyib.

 

Lent.az-ın «RİA-Novost»-yə istinadən məlumatına görə, ABŞ Dövlət Departamentinin təmsilçisi Patrik Ventrell bildirib ki, rəsmi Vaşinqton Kabuldan bu mövqeyinə aydınlıq gətirməsi ilə bağlı müraciət edib.

 

Bir müddət öncə, Qərbin informasiya vasitələri yazmışdı ki, amerikalı hərbçilər yerli əfqanlara «işgəncə verilməsində» iştirak etdiyi üçün Əfqanıstan prezidenti Həmid Karzay NATO qüvvələrinin Vərdəkdan çıxmasını tələb etmişdi.

 

«Bu xəbərlə bağlı ətraflı məlumat üçün sorğu vermişik. Hazırda Əfqanıstanla müzakirə gedir. Vəziyyətə aydınlıq gələnədək biz bu xəbərə şərh verməyəcəyik və onu dəyərləndirməyəcəyik»-deyə, Ventrell söyləyib.

 

O, məsləhətləşmənin hansı səviyyədə aparılmasına və tərəflər arasında əldə olunmuş anlaşmaya aydınlıq gətirməyib: «Belə iki tərəfli təmaslar üçün əlimizdə yetərincə imkan və vasitələr var».
 

 

# 578
avatar

Oxşar yazılar